Пэк Сок. КОРЕЙ ӘДЕБИЕТІ: 12 АҚЫН – 12 ӨЛЕҢ

Пэк Сок (1912–1996) – өткен ғасырдың отызыншы жылдарындағы корей модернисттік әдебиетінің белді ақыны, журналист, аудармашы. Шын есімі – Пэк Ки Хэң. Корей әдебиеттанушыларының арасында «халықтың сүйіп оқитын ақыны – Юн Доң Жу болса, корей ақындарының сүйікті ақыны – Пэк Сок» деген нақыл сөз жиі айтылады. Небәрі он сегіз жасында жазып шыққан туындысы «Ана мен бала» романы «Чосон Ильбо» газетінің әдеби сыйлығын иеленіп, корей прозасына құбылыс болып енеді. Кейіннен поэзияға толығымен бет бұрған ақын жиырма төрт жасында «Бұғы» атты алғашқы өлеңдер жинағын жарыққа шығарады. Қаламгер өзінің ел жадында сақталар басты туындыларын жазып қалдырғанына іштей сенім білдіріп, елу жастан соң әдеби жолын ресми түрде аяқтайды. Соғыстан кейін өзінің туған өңіріне оралған ақын ғұмырының соңғы жылдарын қарапайым шаруа адамы ретінде өткізеді.

Пэк Сок – Мен, Наташа және көк есек
Кедейліктен көз ашпай,
Жағдай қазір қиын-ды.
Бірақ, сүйем көркі айдай Наташадай сұлуды,
Бүгін де қар толастаусыз, біле ме екен бұл ақырын жаууды?

Наташадай аруды шексіз-шетсіз сүйемін,
Дала да анау, аппақ қардың құмарына тоймаған.
Жалғыздықта масайраймын шарабына күріштің,
Соджу ішіп ойланам:
«Өзге жан жоқ, тек Наташа екеуміз,
Көк есекке мініп алып, көк аяздан діріл қаққан тауға қарай барармыз,
Тау аңғары ішіндегі ескі үйде тұрармыз».

Қар себелеп жаууда,
Наташамды ойлаймын.
Кенет менің жан дүниеме үнсіз келіп сөйледі:
«Бәрін тастап тауға кету – емес әсте жеңілу ол қатал өмір жолынан,
Себебі, әлем ластануда адамзаттың қолынан».

Қар себелеп жаууда,
Наташадай сұлу да мені қатты сүйеді.
Есіне алып бұл кешті, аңырайды да көк есек көздің жасын төгеді.


백석 ­ 나와 나타샤와 흰 당나귀
가난한 내가
아름다운 나타샤를 사랑해서
오늘밤은 푹푹 눈이 나린다

나타샤를 사랑은 하고
눈은 푹푹 날리고
나는 혼자 쓸쓸히 앉어 소주를 마신다
소주를 마시며 생각한다
나타샤와 나는
눈이 푹푹 쌓이는 밤 흰 당나귀 타고
산골로 가자 출출이 우는 깊은 산골로 가 마가리에 살자

눈은 푹푹 나리고
나는 나타샤를 생각하고
나타샤가 아니올 리 없다
언제 벌써 내 속에 고조곤히 와 이야기한다
산골로 가는 것은 세상한테 지는 것이 아니다
세상 같은 건 더러워 버리는 것이다

눈은 푹푹 나리고
아름다운 나타샤는 나를 사랑하고
어데서 흰 당나귀도 오늘밤이 좋아서 응앙응앙 울을 것이다

Рубрика авторы және корей тілінен аударған Талғат ШАЙХЫҒАЛИ