Сәуір айының соңында Алматыда Балуан Шолақ атындағы спорттық-мәдени кешенде ерекше қажеттіліктері бар балалардың туындыларына арналған «Барлығы мүмкін»атты қалалық интерактивті көрмесі өтті. Көрменің бастамашысы және ұйымдастырушысы «Almaty International Rotary Club» ҚБ болды.
Көрме Алматы қаласы әкімдігінің, әлеуметтік әл-ауқат басқармасының және оңтүстік астананың білім басқармасының қолдауымен өтті, игі істі бизнесмендер мен кәсіпкерлер, шығармашылық ұжымдар мен жай ғана жанашыр адамдар қолдады. Ақпараттық серіктестер "Коре ильбо" республикалық газеті мен Media Saram шығармашылық бірлестігі болды.
Көрменің негізгі мақсаты – мүгедектігі бар балалардың тамаша шығармашылық жұмыстарын көрсету, нормотиптік балалар мен ерекше қажеттіліктері бар балаларға бірлескен интерактивті сабақтарда әңгімелесуге мүмкіндік беру. Өйткені, белсенді өмір инклюзивті қоғамның барлық мүшелері үшін бірдей қажет. Көбінесе ерекше қажеттіліктері бар балаларды қабылдамайды, кейде оларды құрдастарымен әдеттегі қарым-қатынастан қорғауға тырысады. Бірақ мұндай қарым-қатынас әр баланың жетік дамуы үшін өте қажет!
Көрменің белсенді қатысушылары және шығармашылық жұмыстардың авторлары – тірек-қимыл аппараты бұзылған, психоневрологиялық аурулары бар 1 жастан 18 жасқа дейінгі 200-ден астам бала, сондай-ақ психикалық даму ерекшеліктері бар 18 жастан асқан жасөспірімдерге қызмет көрсететін "Аяла" әлеуметтік қызметтер орталығының ерекше қажеттіліктері бар балалары. Орталықтың тәрбиеленушілері әр баланың қалыпты жағдайын демеп тұратын физиотерапиядан басқа, оқыту сабақтарына қатысады, сурет салады, мүсіндейді, шығармашылықпен айналысады, бір-бірімен қарым-қатынас жасайды.
Балалар көрмеге өз қолдарымен бисерден, саздан, ермексаздан жасалған 200-ден астам авторлық жұмыстарды, суреттер мен картиналарды ұсынды, сондай-ақ шығармашылық көріністер дайындады.
Көрме уақытында, екі күн бойы жұмыс жасаған балаларға арналған шығармашылық бұрыштар орнатылды, онда әрбір кішкентай қонақ сурет салып, пластилиннен мүсіндер жасап, аниматорлармен ойнап, сыйлық ретінде аквагрим немесе шар ала алды, ең бастысы – құрдастарымен жарқын, көңілді және шығармашылық атмосферада қарым-қатынас орната алды.
Валерия ЛИ