Қазақстан Қаңтар айындағы қайғылы жағдайдан кейін қалпына келуді жалғастыруда. Үкімет тәртіпсіздік кезінде бизнесі зардап шеккен кәсіпкерлерге келтірілген залалды өтеу үшін жұмыс істеуде. Шағын және орта бизнестің көптеген нысандары қалпына келтірілді, бірақ әлі де көмек ала алмағандардың айтарлықтай бөлігі қалды. Қазақстан кәрістер қауымдастығы жанында іскерлік клубы шетте қалмай, кәсіпкерлерге қолдау көрсетеді.
Қарақшылардың қолынан зардап шеккендердің қатарында АКҚ іскерлік клубының мүшелері де бар. Олардың көпшілігі мемлекеттен көмек алу үшін қажетті рәсімдерден өтті және басқа кәсіпкерлерге консультациялық көмек көрсетуге дайын.
– АКҚ іскерлік клубында жақында төраға сайлауы өтті, қайта сайлау барысында жаңа төраға Игорь Кан болатын болды. Соңғы қалыптасқан жағдайда біз қаңтардағы тәртіпсіздіктер барысында зардап шеккен кәсіпкерлерге көмек көрсету процесіне белсенді түрде қосылу міндетін қойдық, - деп бөлісті VII шақырылған Алматы мәслихатының депутаты, АКҚ іскерлік клубының мүшесі Юрий Шин. – Бүгінгі таңда біздің көптеген клубтастарымыз тиісті рәсімдерден өтіп үлгерді және өз әріптестерімізге кем дегенде консультациялық көмек көрсетуге дайын.
АКҚ Басқарма мүшесі Татьяна Нам да шығынға ұшырады – оның Moskva Metropolitan сауда орталығында орналасқан сауда бутигі де тәртіпсіздіктер нәтижесінде зардап шекті.
– Мен өзім де көмек көрсетуге өтінім беру рәсімінен өттім. Бұл мәселе бойынша біз қалалық әкімдіктің, мәслихаттың өкілдерімен, сондай-ақ залалды өтеуге қатысы бар басқа да мемлекеттік органдармен кездесеміз. Дегенмен, көптеген кәсіпкерлер жұмыс кезінде қиындықтарға тап болады. Біздің тәжірибеміз олар үшін пайдалы болады деп үміттенеміз және біз көмек көрсетуге дайынбыз, - деп Татьяна алға қойған жоспарларымен бөлісті.
АКҚ іскерлік клубы зардап шеккен объектілерді қайта қалпына келтіру барысында қолдау көрсетуге, қандай құжаттар қажет екендігі және оларды қайда жіберу керектігі туралы ақпарат беруге, сондай-ақ басқа да сұрақтарға жауап беруге дайын.
Юлия НАМ