Көпұлтты Қазақстанның бірлігі

Біз қызықты әрі қиын кезеңде өмір сүреміз. Қарқынды технологиялық прогрестің аясында адамзат күн сайын есейіп келе жатқан жаһандық сын-қатерлерге, әлеуметтік ажырауға, көші-қонға және ақпараттық технологиялардың дамуына байланысты өзекті сұрақтарға жауап беруі керек.

Бүгінгі күннің өзекті мәселелерінің бірі – ұлтаралық және конфессияаралық келісімді сақтау мәселесі. Осы орайда Қазақстан Республикасы жүргізіп отырған мемлекеттік саясаты мен Қазақстан халқы Ассамблеясының тәжірибесі өз тиімділігін көрсетті.
Тәуелсіздік жылдарында Қазақстан ұлтаралық татулықтың тиімді үлгісін қалыптастыра алды. Елімізде этностық немесе діни белгілер бойынша бөліну жоқ. Әрқайсымыз тең болатын қоғам қалыптасты. Ал татулық пен қоғамдық келісімнің өзегі – бар этностарды өз төңірегіне топтастырған қазақ халқы.
Қазақ халқының арқасында осынау құнарлы өлкеден мыңдаған жарлы халық Отанын тапты. Қазақтар бұл этностардың аман қалуына, өз салтын сақтап қалуына қол ұшын созып көмектесті. Осылайша тағдырдың жазуымен қиыншылық пен азапқа толы ортақ тарих жасалды. Қазақстандықтар ынтымағы жарасқан халық болып, бар қиындықты иық тіресе жеңді.
Ұлттық бірлікті нығайту Қазақстан үшін бүгінгі күнге дейін стратегиялық басымдық болып табылады. Қазақстан халқы Ассамблеясы жүргізіп жатқан сан қырлы жұмыстардың маңызы зор. Мемлекеттік тілді үйретіп, патриотизм мен толеранттылыққа тәрбиелейді. Бүгінгі таңда Ассамблея еліміздегі қоғамдық-саяси, әлеуметтік және экономикалық жаңғыртудың белсенді қатысушысы болып табылады.
Тату көршілікті, әртүрлі этностардың төл мәдениетін сақтау және дамыту қабілеті маңызды рөл атқарады. Жарқын мысал – Қазақстанда шығатын этникалық газеттер. Олардың қатарында республикалық басылымдар да бар: «Deutsche Allgemeine Zeitung» (неміс газеті), «Ұйғыр авази» (ұйғыр газеті), «Ахыска» (түрік газеті), корейлік «Коре ильбо» және т.б.
«Корё ильбо» газеті Корей түбегінен тыс әлемдегі ең көне корей баспа басылымы және Қазақстандағы ең көне бұқаралық ақпарат құралдарының бірі.
Қазақстанда этникалық БАҚ-тың болуы – тарихи құбылыс. Көпұлтты халықтың бірлігінің, қазақстандық қоғамның шынайы демократиялық құндылықтарының, мемлекеттің дана да салмақты ұлтаралық саясатының көрсеткіші.